話說我咀唇經常爆拆，有次去超市比錢時，收銀姐姐同我講「小姐你個咀流血呀.......」
真係尷尬死=.="" 狀況時好時壞～唔知大家有冇依個煩惱？
最近朋友送我這份超貼心既禮物～thanksssss!!
登登登～就係Hitachi唇部清潔&保濕機～一物兩用：）
打開有說明書，但全是日文，所以都係睇圖理解好了。
部機係紫色好令呀＞３＜，仲有一個小罌仔～
原來入面係無比電池比你，要自己加一粒２A。
先做清潔一步啦～佢唔係用黎卸妝，而係將入面既污糟野導出！
拆開底下個蓋用黎整斷枝綿花，睇住圖整但係我整極都整唔到，都係快快脆用交剪剪佢算～
將個綿花塞入去，要掂到黑色個膠先OK!
再沾上化妝水(佢講明一定要用水狀呀)，因為用係咀所以用Curel，唔怕敏感～
跟個圖示咁揸先會到電，按第一下(著綠燈)就係用作清潔。
用係咀仔既步驟如下，好彩有圖跟住做無有怕～
記住用之前要卸好妝，佢只係再一步清潔。
就係咁擦上上下下，左左右右，仲有咀角位，大約2分鐘，夠時間會自動熄。
總括用既過程涼涼地，冇咩特別感覺。
但一看綿花棒用後已經變了灰灰黃黃，底層有多污糟肉眼看不見，就靠這一步去清走佢！
到保濕一步啦～按多一下著橙燈，要先預熱30秒，佢會＂嗶＂一聲提你預熱完畢可用～
搽上自己既潤唇膏，唔可以用有色既，我用maybelline。
溫度唔會太熱，暖暖的，放係咀上按摩住好舒服呀～
跟圖示一樣，用佢唔同既切面去打圈按大約2分鐘，夠時間會自動熄，唔好太用力，輕輕地就可以啦！
溫熱保濕既過程真係好舒服，有時覺得唔夠喉再做一次，反正做多無壞嘛，將潤唇膏既精華深入底層XD
用前咀唇乾乾，唇紋明顯，最近冇甩皮留血已經好好了＝３＝
用左Hitachi部機之後，咀部皮膚嫩滑得多，唇紋減淡了，漲卜卜好有彈力XD
每次用完的即時效果非常明顯，長用應該可以改善到唇部膚質吧，我要努力日日用！
佢已經成為我每日必用既護理步驟之一，要美就不可以懶：）
沒有留言:
發佈留言