Clinique既護膚品大家應該都有用過吧!!個人好中意!!
咁化妝品呢??
今次係試我最中意用既眼妝產品!!好興奮!!*v*
平日我就算唔上粉底..遮暇..乜都好..但眼仔一定要攪一攪..
事關唔攪既時候好多人會問我係咪好支力定唔舒服..=="
攪完精神100倍..可以話大不同囉..!!
素眼一隻=3="
***
Brush-On Cream Liner耀眼眼線膏 HK$ 130 / 5ml
有眼線筆同眼線膠可以揀~
眼線筆我一直都有用開..但眼線膠呢..
幾年前係拍賣買下熱爆既MuGu眼線膠..差到喊..=(
又易化又易甩又唔好上..係得個款靚..攪到唔敢再試眼線膠..
今次我決定再試一次..無理由同眼線膠做唔到朋友既><"
02 True Black..襯返髮色會自然d..啡色就會格格不入呢..
試上手先..隻色好實..粗幼都好易控制..~~
但我唔太熟手..用眼線膠寫字就比較難控制..應該冇人會係面上寫字吧XD
佢送埋個掃仔比你既~幾好用~
眼線膠一乾就好難用..所以每次畫既時候我都會反轉佢..等佢同空氣唔好接觸咁多!!
測試下佢既防水能力先~*
猛水大力沖幾沖..冇變到...^^
用紙巾印..都係絲毫無損!!
再用紙巾抺佢..有d甩..色淡左..~
一試之下..clinique果然冇令我失望呀!!最近日日都在用=)
如果你都有點抗拒眼線膠的話不妨試下佢^^
不過都有好有唔好既~用後感如下：
好：
起初怕佢勾畫唔到幼細既尾部..但原來係可以的..仲好流暢!!^^
同埋佢質地幾濕潤..唔難推開..扲既分量都易控制!!
好易上色..顏色好出..唔難乾...望落夠自然~>3<
最令我估唔到係持久度..我最care依點!!最怕會化落眼肚自己又唔知個下樣衰死!!
油眼人既我出左成日街都冇乜甩/化..我仲有畫係內眼線..一樣keep到~驚喜>v<
都幾抵用...其他牌子冇佢咁平...仲有掃連埋=)
唔好：
我唸唔好去游水個陣用la!!唔好預佢係超超超防水個種!!
對於用眼線膠..仲係新手既我未掌握得好好..畫個陣唔可以急..比較化時間..要練多d ar!
與眼線液 & 眼線筆比較：
同眼線液比較的話..佢出哩效果係比較自然..冇咁實在既一條線..感覺舒服d!!
同眼線筆比較的話..佢會持久d..冇咁易化..油眼人用冇問題!!
***
Lash Power Volumizing Mascara魔法濃密睫毛液 HK$ 160 / 6ml
刷頭唔會係大大個種...好幼細...長度就同平日個d差唔多~
用後感：刷頭Size正正合我心意...我好怕大大舊個d...成日hi到走圍都係...><
佢搽起哩好順暢同埋好易控制...唔會結埋一注注or有結粒出現...!!^^
我初時好擔心佢既溫水卸除配方..因為我係超多眼水既人同埋我慣用油全面卸=="
但Ba話我知原來要39度既水佢先會卸到~咁我就放心了!!
依枝既效果真係好明顯...濃密同增長效果都好好!!
用左一整天都係咁捲曲同冇化過...好持久呀真係...超滿意!!絕對值得試!!>3<
***
Bottom Lash Mascara 下眼睫毛液 HK$ 120 / 2ml
依枝仲未有得買架~不過我唸都快有得買XD
用後感：我實在好中意專for下眼用既睫毛液...
因為平日既睫毛液要用係下眼真係好有難度呀!!加上自己下眼得幾條毛仔=.="
實在係一件困難既事...><"有左佢就解決晒問題~
佢好好刷..唔會整到走圍都係~^^
我習慣扲張卡片墊係底..咁樣仲好刷~污糟既只會係卡片...眼肚唔會出事~
大家可以試試呀...真係方便好多...冇咁多顧慮怕hi到>v<
下面係一d上眼既相~*
捲曲度好持久!!正!!
好易就刷出太陽花既眼~^^~
側面睇..真係好捲曲...出左成日街架啦!!
出街前~*
出街後~*
Keep得好好呀~真係樣樣都愛~岩晒唔識帶假毛又懶既我!!>v<
喜歡的推推 / 留埋言先la!!
希望大家喜歡我的分享^^...
沒有留言:
發佈留言