早前出席了Clinique 秋冬美粧魔法活動，試玩新妝品同時學下makeup！
今日的主角係呢枝無重感又做到亮麗遮瑕的粉底，轉頭再詳細介紹比大家認識：）
先同大家回顧下當日化妝師Andy既教學～
化妝前當然要做好補濕功夫，特別係眼位容易暴露出倦容的四周～
呢枝活肌眼霜之前都有分享過，即時去腫去紋效果好好，肌膚更緊緻，上眼妝就唔怕更現紋！
model會用到的部份彩妝品，眼線筆，眉筆，眉霜，眼線液，睫毛液，唇膏。。。
呢枝粉底液，配有獨特的粉底魔法棒，每次取出時都已沾取了恰到好處的份量，唔駛再怕倒多左或者自己預算出錯而用多左量，避免粧變得厚重的問題，一點點掃上面再用手或者粉樸推開，就咁睇都覺得方便好多。
亦可以將佢當做遮瑕膏用，model的豆印即時淡化好多！！
到畫眉部分，先用眉筆畫了眉形再用螺旋梳順住掃開，然後用眉霜從根部開始掃開，整條眉的效果變得自然平和。
眼線筆有11色，model正在用藍色加啡色，大玩Mix & Match混合使用，試過上手連黃色都很著色。
再用上我都好喜歡用的Clinique睫毛液，在沒有夾毛下，直接用上都能有自然捲曲的效果，愛死了～～
最後用上粉紅色唇膏，秋冬妝容話咁易完成！
今次帶走了3件美粧新品～～＊
全新 Beyond PerfectingFoundation + Concealer
完美極緻遮瑕粉底 SPF 19 PA++ HKD270/30ml
粉底液同時結合了遮瑕膏的功效，可用作高度遮瑕的粉底液塗抹全面，90 秒極速完粧，省卻遮瑕膏的步驟。或可局部點印在需要遮瑕修飾的位置，透薄自然的粧效持久達 12 小時。
質感輕盈無重，持久抗汗水、抗油脂、不脫粧，同時持續滋養補濕，令底粧不會因肌膚缺水。
共有5色，Andy挑了64 cream beige自然色給我，是關我之前去台灣曬黑了一直冇白返>.<
64看來還是挺自然色調，好適合我～質感輕盈，唔會好快乾個種，好易推開！
真係要大讚獨特的粉底魔法棒！！超實用又方便，可以控制沾取粉底液的份量，絕不會塗抹過量，為每朝匆忙既我節省唔小時間，快手快腳搞掂個底妝XD
扁平的一面將粉底掃勻係臉上較大面積的位置，而尖端部分局部點印係瑕疵上，再用手指頭印開。
相信大家每朝都會好趕，好多時都要skip一d妝品，遮瑕膏應該係大多會被選走吧(...我正是ha)
呢枝粉底有中上遮瑕效果，最近皮膚穩定冇咩生暗瘡痘印，就是遮遮眼走圍：）
雖然有即時控油功效，但我夏天較易出油，所以都會加層碎粉才能keep到持久，一天都冇暗啞，抵讚！
Pretty Easy Liquid Eyelining Pen 持久輕巧眼線液 HKD180
毛筆頭精巧尖細，眼線液質感柔滑容易掌握。而且粧效持久達 12小時，減少暈染。具有Black及Brown 2 款色調，締造深邃眼眸必備。
大路色黑啡我都喜歡用，呢枝係黑色，筆頭超幼細！！！
畫出來細緻度超高，色澤亦厚實，新手都能畫出清晰俐落的眼線，好易handle呀～～
Just Browsing Brush-On Styling Mousse 完美塑眉霜 HKD130
揉合 24 小時長效Gel-Mousse 配方全日防水防汗，而且質感輕柔，配合纖細掃頭，非常輕巧易用。刷上後眉毛整天保持整齊貼服，立體自然。
4款色澤Blonde、Light Brown、Deep Brown及Black，可根據個人髮色選配，演繹自然眉色。
眉霜的刷頭細小好易控制，佢超持久！用左一日都keep到非常好！
我試過唔記得畫眉就匆左出門，全日都唔慣=.="
眼線液真是超幼細，容易勾畫，我喜歡自然風的妝感，用後眼睛很明亮，看起來就更有精神，持久度不錯喔。
整齊清晰的雙眉當然唔小得，整個眼部輪廓都會更突出呀！！
分享到此咯～3款妝品我都喜歡～推介比大家～
黎緊去釜山旅行～～到時帶埋呢幾件妝品去幫我快速完成妝容，爭分奪秒嘛＞３＜
是次產品資料由Clinique提供
http://www.clinique.com.hk/
