Ting Ting: 11月 2011

2011年11月24日星期四

Max Factor 嫩肌精華粉底液 - 修護 , 保護 , 亮肌 , 美妝一take過 !

一直有用開Max Factor的粉底，收到PR送上最新出的粉底好開心呢！=)

全新Ageless Elixir Boutique無間活肌美妝系列，在追求修容效果的同時，
額外加入修護功能，強調「Beyond Cosmetic. Make You Beautiful Today & Tomorrow」!

即時遮蓋暗啞，達到無瑕透滑妝感外，長效保護肌膚及改善色調。
粉底液不含油份，不會阻塞毛管；具高度遮瑕，粉底液中色素顆粒經過特殊處理。
不會大量堆積在肌膚的細紋、皺紋中，並能反射光綫，從而降低色素沉積的清晰度。

$149 / 30ml Made in Ireland
泵裝設計夠方便使用，好中意佢包裝係膠身，輕身好多又唔怕跌爛。

一共4色選擇，我揀左#55 beige 自然色。
像雪芭的質地，手摸好軟的感覺。

隻色好自然唔會過白，好好推。

上面後感覺好貼面好薄身，真係好似第二層肌膚咁。
毛孔變得唔明顯，皮膚細緻左，膚色均勻左。而且持久度很好，一日都冇浮粉的情況。
同埋明顯冇其他粉底咁乾身，應該係加入修護精華的功效發揮了！
但我覺得遮瑕度只屬一般，紅印淡了一半,千年黑眼圈冇改變。SPF 15 防曬唔夠高，要預先用防曬霜。

總括來說這個價錢的效果好滿意，仲有修護成分喎，唔怕傷到皮膚，所以我好中意用佢 ! ＞３＜

希望大家喜歡我的分享^v^

2011年11月14日星期一

shu uemura全新絲滑貼膚粉底及ifc旗艦店服務 ♥♡ 老實說!! 新品效果真的很不錯 ♡♥

上星期去左植村秀ifc mall旗艦店體驗了Recharge-up速效活膚面膜護理服務
係旗艦店入面的一小角休閒地享受這30分鐘，不會被打擾，即時幫你充充電。

開始前，BA *Mic* 為我分析肌膚的狀況，我係缺水肌膚！
再為我選擇每一個步驟會使用的產品，那是最適合我現時肌膚！
保濕型的潔顏油，毛孔緊緻精華，深海溫泉活水系列 - 化妝水，精華及乳液

Mic 留意到我眼睛很疲倦，所以用上紅萃能量活肌亮眼筆。
說真的，Mic 手勢好好，這枝我都有用但點解冇佢幫我用的時候咁正=00="，要學下佢。

結合瓜拿納果精華及紅萃能量複合物的活顏配方能即時擊退暗啞、黑眼圈及浮腫。
以日式指壓手法配合金屬滾輪按摩球使用，能發揮最佳活顏功效，讓雙眸即時恢復神采。

另外，紅萃能量活肌亮眼筆能降低眼部四周肌膚溫氷達2.1℃*，具備提神效果。
每朝醒來、需要補妝時及臨睡前皆可使用，隨時隨地袪除疲勞。

我最中意佢走珠筆頭的設計，即時舒緩的效果好明顯，攰的時候有佢真係好正。
眼仔痕的時候我都會即刻用佢舒緩下，等自己唔好手多多去摔佢。

敷上保濕面膜的同時做埋手部按摩&日式穴位按摩，真係超舒服呢！
深海溫泉活水深層濕面膜&紅萃能量活肌彈性面膜的效果都好好，敷完膚色明顯變得均勻，保濕效果唔錯。

護膚完畢，當然要化返個妝。

底妝用上妝前乳液底霜SPF20 PA++，全新絲滑貼膚粉底液，全新專業遮瑕筆及蜜粉

配合5角棉上粉底更貼服，遮瑕筆的效果好好，呀妹話我黑眼圈比之前用個隻好好多，冇咁明顯。

上埋蜜粉，塊面好滑呀^^
加埋淡粉紅的胭脂 & 唇膏

簡單妝容就完成了，之後跟家人吃飯而已，就做一天沒眼線的人吧。。。
說回這個速效活膚護理服務，可選擇面膜或眼膜，HK$180/單次，HK$380單次並可全數換購正價產品(抵!)
下圖 (左 - 剛剛完妝) (右 - 完妝8,9小時後) 底妝仲係好貼服，眼下冇增加積線，keep得好好呀！

淨透美白潔顏油 - 維他命C溫和進階版

我中意佢夠溫和，即使中途開眼都唔會有刺痛感，因為我隻眼好敏感好易紅同怕"拿"。
慢慢按摩眼線，睫毛液位，再加小小水乳化變左奶白色，再用清水沖走就ok！
卸完皮膚好清爽唔會油膩，講明唔需要再洗面，但我個人習慣都係會再洗面，清潔得夠徹底！

好開心仲可以帶走全新絲滑貼膚粉底液 & 全新專業遮瑕筆

仲有介紹下我一直都好喜歡用的妝前泡沫底霜 SPF30 PA+++
不過就快冬天會收起佢先lu，用佢會太乾。

全新絲滑貼膚粉底 SPF18 PA++ HKD340 / 30ml

為營造媲美專業的完美自然妝容而研創的粉底液。
輕鬆簡易的數抹，帶給您前所未有的超凡貼服及舒適觸感。
只需少量便能輕易地遮蓋毛孔及瑕疵，妝容防汗配方蘊含透明質酸及石榴精華，讓肌膚時刻保持水潤貼膚。

一共有15色，我用的係365，一推開已經覺得好水潤，非常好推。

上面睇下，真係好薄，好似第2層肌膚一樣好貼服呀，用完膚色均勻好多。
粉底屬中度覆蓋，遮毛孔效果好好，而紅印都遮左大半。經過一日都唔會變暗黃，當然要揀對色號！
最重要係持久度好好，一整日都冇溶妝，不過最近天氣都唔係好熱可能未完全試到持久度，整體好滿意。

全新專業遮瑕筆 HKD210 / 2.8ml

以最簡易嘅手法達到專業彩妝師的高效遮瑕境界，令瑕疵自然「消失」! 遮
瑕筆嘅斜角海綿筆頭令產品可以完全同肌膚「融合」，仲可以模糊瑕疵嘅線條，令尷尬掃痕從此消失。

一共有4色，我用的係7YR-L，頭一次要扭好多下，差不多8十下，係因為我垂直的關係？
遮瑕液會係隆隆粒冒出，唔好貪心，份量好小就夠，所以唔好扭咁多下。
斜角海綿筆頭設計幾好，直接點上位置，再用手加以點印的效果好好。
2.8ml 的份量感覺好小呢，不過遮瑕又真係唔需要用得多，看看一支用到多久^v^

**遮黑眼圈
效果非常明顯，遮左8成，用左一日都唔覺得乾，唔會好易形成積線。

**遮紅印
效果一樣好明顯，遮左7,8成，再上埋蜜粉就再淡ｄ。

shu uemura :
http://www.shu-uemura.com.hk/

呼，打了很久。。。
希望大家喜歡我的分享^v^

2011年11月11日星期五

♥♥ Glamabox 絕對令你驚喜萬分!! 你估佢唔到咁正 !! ♥♥

$88可以做咩？可以買到幾多樣扮靚好物？
其實 $88 唔止 $88，最近香港都興起依股熱潮。
每個月花小小錢就會收到一盒內有4,5件扮靚產品的禮盒，價值遠超 $88！

講緊就係由名模LISA S.創辦的**Glamabox**

我都收到啦！因為當時係公司，收到後一直想打開，但為免太揚都係忍手！XP

返到屋企即拆！有幾張花紙包著加個蝴蝶結，黑 X 粉紅的配搭真係超美，女仔最愛！

原來十月升級了！真係大驚喜！

看到嗎？4件產品有2件係貨size呀！真係估佢唔到，超開心呀！ xD

寫埋每樣產品的價值，其實都係想話比你知用$88換到價值幾多的產品，真係超值啦！
如果每樣產品都有簡單介紹會更加好，唔駛自己慢慢睇。

Suisse Programme GIGAWHITE 重點激白修護精華 $910 / 30ml
貨size好有份量呢！相信冇人收到會唔驚喜囉 xDDD

Cyber Colors 魅眼捲曲睫毛液 $168 / 6g
又係貨size，未用過Cyber Colors，終於可以一試！

Clinique 水溶性7日按摩霜 $54 / 30ml
這個我一向有用開，粒子幼細按摩時好舒服，輕輕帶走死皮，30ml可以用好耐呀。

Suisse Programme GIGAWHITE 全方位激白防曬面霜SPF30 $80 / 3ml

除左上面4件產品，仲有一項facial服務。
但未知會唔會去做呢，始終怕遇到 hardsell 對待。

幸好有效期至到下年4月呢，有時間比我慢慢考慮下。

有冇燒著你呢？
希望Glamabox 每月的禮盒都可以好似十月咁，令人人驚喜！

Glamabox：
http://www.glamabox.com/

希望大家喜歡我的分享^v^

2011年11月9日星期三

bareMinerals 純礦物定粧粉最後一步,薄薄一層,自然透薄妝容完成^v^

黎到最後一篇啦，今次同大家分享**bareMinerals 純礦物定粧粉 & 面部化妝掃**

bareMinerals Mineral Veil 純礦物定粧粉 HKD$200 / 9g

尋找終極完美定粧。吸走多餘油分之餘，同時遮蓋幼紋和收細毛孔，
具備透亮、保濕、光感、暖色和防曬SPF25產品以供選擇。

粉質非常幼細，摸上手好滑呀！
一共有4款

用法：
可用於bareMinerals SPF15純礦物粉底前或後
用於粉底前，可令粉底效果更持久
用於粉底後，可平衡油分，整天防止油光泛現
使用高效遮瑕掃，在塗抹粉底前於瑕疵部位使用，令毛孔不顯眼，防止脫粧

我覺得上完碎粉個妝係更加貼&薄，仲有好輕盈，唔會加重面部的負擔，
皮膚望落細緻左好多，毛孔好似濛左咁，控制到冇咁易出油，大愛中！＞３＜

bareMinerals 面部化妝掃

佢d毛質唔算滑，掃上面可能會有小小覺得吉，毛量好豐厚。

不過BA話因為咁樣的毛質會更易抓緊礦物粉，掃上面會更均勻。
所以唔係滑先好，要睇下用咩產品=)

希望大家喜歡我的分享^v^

2011年11月1日星期二

Cellbone 第二代CELLlift + Advanced Rejuvenator高效激活儀享受自家美肌的樂趣

十月頭收到一份一直好想試的產品，謝謝PR^^
2011年Cellbone全新推出 - 第二代CELLlift+ Advanced Rejuvenator高效激活儀

扭合最尖端科技的家用美肌儀器療程，專為改善膚色、撫平及預防面部皺紋、提升收緊肌膚、同時顯著改善肌膚整體健康而設。

Cellbone係09年推出第一代CELLlift Complete Rejuvenator全功能激活儀，集正/負離子 (ION Therapy) + 微電流 (Micro-current) + 遠紅外線 (Infrared Rays) + 微震動按摩 (Micro-massage) 多重美肌功能於一身，當配合Cellbone高濃度精華液使用，能加促強效活性成份滲透肌膚底層，有效潔淨更生肌膚，提升彈力，激活青春緊緻，成效快速顯著，儀器旋即被熱捧為人氣家用美容儀器。

第二代外觀上儀器更薄更輕，除加添了液晶體顯示屏，讓使用時更方便清晰外，效能上更加添多一個能量調較度(power level - 高、中、低)，最高輸出能量值比第一代超出30%，無論進行潔膚、按摩、滋養、或提升任何一個療程，輸出威力均更強更快，令使用者可於更短時間內體驗到美肌成果。

好詳細的中英說明書教你點用，唔怕唔識。

CELLlift +科技結合4個重要護膚程序 - 潔淨(CLEANSE)、按摩(MASSAGE)、滋養(NOURISH)、及提升(LIFT)功能於一身﹔一個方便使用的多功能儀器，不但可為肌膚每天潔面按摩，亦可當作為有效的拉緊面部小型療程，效果快速顯著。

另外提及一些保養的方法，好好使用令佢的壽命更長，唔會損壞，仲有1年保養。

差電的時候燈會亮起，需要6小時，充完就會自動熜滅。
用的時候必須手持儀器兩側的金屬邊，機仔細細，用法都好簡單。

第一步：潔淨(CLEANSE)，以強效的正離子導出肌膚污垢及殘留物，令毛孔徹底潔淨及再生。

一路打圈碌晒成塊面，要避免停留係眼位置，講真平日洗面點會用4分鐘，我咁懶1分鐘就完事啦，起初用唔太慣。
但用耐左覺得打圈個過程好舒服，我就閉目養神發下夢，隻手就一路打圈，將污糟野都推晒出哩，好乾淨！^v^

第二步：按摩 (MASSAGE)，微震動按摩結合正/負離子導出/導入科技，協助肌膚吸收水份，改善疲倦及加強肌膚彈性，令肌膚回復年青光澤。

MASSAGE時肌膚要帶點濕潤，有時我會拍上爽膚水 / 洗完面唔抺乾就去做。
說到能量我都係調較至低(L) 開始的呢！

第三步：滋養 (NOURISH)，當使用合適的精華液時，負離子可把有效成份導入深層肌膚，加速細胞吸收，令肌膚得到滋養修護。

先塗上精華液 / 保濕啫喱 / 面霜，依個我用返Cellbone的精華液去用。
感覺到會吉吉地，建議用多d 精華液會更好推更吸引。