遊旺角...付出小小...收穫多多...**新工後快樂的星期六**

休息左兩個月...休夠了...終於返工啦...
返左兩日咁多...已經覺得好支力...可能休得太耐...=="
新工作感覺良好...工作量比從前小得多...
人工..福利..返工時間..工作天..同事所有野都比從前好得多...好開心呢!!>v<

星期六唔駛返工可以訓到自然醒係最爽的...
起身之後就出旺角..約左2個朋友稻香飲茶~~*

下面3本並不是買的...係朋友A送我...hee..佢係ViVi做editor^^
我就最中意睇ViVi...你地呢??3本加埋重上重呀!!多謝你~*

又是朋友A送我的...3款我都未用過...好期待!!^^

朋友B送我11年的schedule...是她公司的產品...好美..非常合我心意!!*v*

另外還送了這枝Za的痘痘噴霧給我..."Za的產品我好喜歡"
佢話我成日食埋d好刺激ge食物會容易生暗瘡...所以我需要佢咁話XD
你的心意我收到了...謝謝你~*

3個女人食下傾下咁就一個下晝了~~又要下次再約過>3<


***


之後阿妹出哩同我一齊行街....^^
事關佢夜晚要哩同我孖鋪呀..阿媽唔係香港唔放心佢一個係屋企!!
佢係我地眼中永遠都係小朋友一樣....--"..極受保護的....


託阿妹幫我買的百力枝!!!
粟米味超正...好味到停唔到...仲買左..泰式沙律...薄餅...火腿芝士...
火腿芝士岩岩食左...又係勁好味...好似食緊火腿咁XD
4蚊一盒抵到呢....半打都係24蚊喳...陪我返工岩晒!!你有冇食過呀??

去旺中行街...勁多人><
我地係一間鋪入面每人買左2件衫...勁抵...你估下佢地幾錢??


深藍色的長袖短身外套...好中意佢個設計...著上有修腰效果!!*

依件長T著左好顯瘦...粉紅色的字對比好sharp..同埋好中意佢個領位!!*

阿妹的黑色流蘇披肩...著上好美..質料好舒服!!*

中袖花花 lace T...布料都冇吉吉既感覺!!*

幫男友買的襪...平日慣常扲衫去洗衣鋪洗...每次d襪都會小錦隻...真係唔明??@@
不過係旺中買襪真係勁抵!!...4蚊對...粗著岩晒~~XD

買返枝透明甲油...順便扲左兩樣sample...好有用呀!!
個卡套好靚..同妹妹一人一個^^

仲有就係扲佢呀!!幸運地抽中左ans化妝袋!!平日我都買開佢d袋~^^~

好大個呀...有兩層...裝到好多野...透明波波再加埋d波點好可愛!!

入面仲有塊鏡...企到起身..好駛好用!!

回家後收到鄰居從外國帶來的手信...好想食呀...不過我咳得好嚴重><

上星期男友老闆新屋入伙開party...請埋我去...玩得盡興之餘...仲識左好多人!!
男友揸車唔飲得...於是老闆送枝比我地返去慢慢飲...返去唔駛一陣已經飲晒...
好期待下次的x'mas party!!>v<

之前參加「解讀AQUALABEL」活動得獎名單結果出左la...
www.AQUALABEL.com.hk
見到自己個名真係好開心...你地快d check下la!!!好期待^^

喜歡的推推 / 留埋言先la!!
希望大家喜歡我的分享^^...

假日好去處...北上...又食又買...人仔貴了...但仍然抵玩~*

我又北上了~今個月北上左3次~
一次過同大家分享晒~^^~

我好中意食ge豆腐卜...大大住都係幾蚊雞...辣得哩好好味呀!!yummy!!

炸牛丸...加上佢特別ge調味粉...超好味...*v*
男友的酸辣粉..就咁聞好臭..但好多人都中意食...而我一啖都食唔到...辣得制><"

行經見到有間donut專門店~~~

有好多款...大部份都係6蚊...抵ma??

我地買左個藍梅味哩試...我覺得個外皮就幾好...
不過入面d醬就一般...好似平日夾面包ge醬咁...冇咩特別!!

今次冇食味千...試左下面依間"味一棧"...

睇餐牌的賣相唔錯.....

但真實就...差幾遠...
個拉面唔似拉面...味道怪怪..加左辣椒就食得下...個豬扒幾好味~

一定要介紹比大家ge...左手面個間"香口味"...
d烤土豆超好味...食過幾間我覺得佢最好味...rmb3.5一客..次次都食兩客先夠皮>3<

依杯係另一間鋪ge烤土豆...因為一到手就食呀食...唔記得影相...=3=

我地次次上去都會去"樂園路"後面個幾條街食小食..又慣住食唔記得影相...
勁平勁好味...燒既野最吸引我...唸起都回味呀!!XD

係深圳行....你會見到好多依d夾夾機...
外表看起來沒有特別...就像平日的夾夾機一樣...

多番留意...見到好多大人走去夾....
喔....原來入面的全都是煙仔.....==""
中國人真係創意無限....不過咁樣唔太好囉...教壞小朋友!!

有日去左美雅揼骨~爽呀!!訓左日..好多野玩~又抵~仲車你返羅湖!!

一大清晨係附近搵野食...去左永和...入面座無虛席...超多人!!

油炸鬼...熱豆漿...好好味呀!!食完先記得冇影相~

小籠包冇想像中咁好食...不過都唔差~

豬扒刀削面好好味~^^~

每次去都梗會買幾條unXD

今次仲買左按摩墊返哩…講價成功..好抵呀!!*V*
由頸到PATPAT都可以舒服下...以後唔駛特登走上去揼lu^^

喜歡的推推 / 留埋言先la!!
希望大家喜歡我的分享^^...

好抵join ge club~~你join左未呀??=^=

一早走左去買餸...等男友放工可以煮比我食XP
之後行過m記...發現已經開始join 2011年的媽咪會啦~~*

其實年年都有join...因為佢送ge coupon都已經唔止$30...
加上自己中意食~入左會食夠$24又有野食送~
上面係10年的...下面個張係11年的...靚左ar*v*

因為續會關係...另外送左e張coupon...我會揀雀檸^^

下面依d係入會送的：

4張coupon...不過要11年先開始用得...--

例牌送一d禮物仔..今年有毛毛袋+漱口水+洗衣液(我d衫扲去洗衣鋪洗的..比阿媽啦..)
我見佢海報有 lactacyd女性潔膚液架...不過話未有wo...依個時段只送依d...><"

大家睇下個毛毛袋....有冇dd似曾相識呢??
我見到佢就唸起之前FnB送個個anna sui毛毛袋呀^^

佢d毛毛軟綿綿好舒服...size同anna sui的差不多呀...都幾實用既=)

不過條拉錬唔太好拉...><"

e個會真係好抵join...大家會join ma??
下面有小小資料=)

喜歡的推推 / 留埋言先la!!
希望大家喜歡我的分享^^...

見咁多人讚佢..我都試左..用落又幾好用wo..[[軟綿綿的泡泡]]~~*

今次想介紹比大家既係 *[[ Dove泡沫卸妝油 ]]*

之前睇雜誌見話佢係日本開售3個月已經賣左過百萬枝~~
仲獲得日本雜誌高度評價的卸妝產品~~
再加上見到好多sis用完都話唔錯~~所以到我入手了*v*

簡介：
多芬潔顏油慕絲具嶄新質地，將潔顏油轉化為豐盈綿密泡沫，提供絕佳卸妝能力，給妳超凡卸妝新體驗！
＊能溶解頑固彩妝，輕鬆卸除睫毛膏，並幫助將殘妝從毛孔深處徹底清潔。
＊質地為多芬一貫的細緻綿密泡沫，一如多芬的柔滑呵護。
＊乾濕兩用 ( 即使手部與臉部是濕的也能使用 )


撻左好多化妝品上手試比大家睇。。

使用方法：輕輕一按，即有綿密泡沫。每次使用約按壓三次為一次用量，輕輕按摩卸除彩妝，再以清水沖洗。即使手部與臉部是濕的也能使用，但若要卸除較濃彩妝，建議保持手部與臉部乾燥，以達最佳清潔效果。建議搭配多芬洗面乳使用。

下面係一泵的份量，泡泡好綿。。

但佢好快又會變返油的狀態。。

然後一路按按按。。

過完水，只有出名難卸的 Fasio mascara 仲有d殘骸，係意料之內。。

用後感：
用左佢都有兩個星期，初初用唔太中意，因為整到眼會覺得葉，依樣係我最怕><
但清潔力好好，用完唔覺得油，又唔會繃緊，好乾淨的感覺。
同埋佢ｄ泡泡軟綿綿好舒服，仲可以乾濕兩用，同平日用開的油好唔同。
以佢的價錢 ( $79.9 / 155ml ) 哩講好抵用呀=)
不過我一用佢就唯有唔好打開眼，咁就ok^^

***

之前睇完sis ge share見到佢，超可愛呢。。
買左兩大包m巾就可以帶佢返屋企la，入面仲有包暖蛋，抵！ >3<

喜歡的推推 / 留埋言先la!!
希望大家喜歡我的分享^^...