終於比我儲齊晒la!!!

講緊就係OK ge Winnie the Pooh~~
哈哈~~你地走唔出我ge手指"啦"~~

好可愛呀佢地~~好似BB咁...

我最中意依隻...BEE....
下次帶你去公園影下生活照先XD

你地儲齊未呀??

彭定康勁中意食ge泰昌蛋撻~係咪真係好味到日日都要食一打??

係人都知前港督彭定康最中意食泰昌餅家ge蛋撻..
唔知大家有冇食過呢??我依個大鄉里前幾日先第一次食..誠意推介比大家
以前鋪頭係中環擺花街..依家就係灣仔修頓球場附近...
咁岩經過就買左半打試下..

$4.5一個..比平日貴一倍..-.-''
齋睇同平日ge蛋撻冇咩大分別..

個皮係曲奇皮..好實淨..唔會碎碎咁..脆口好多!!

襯佢熱辣辣ge時候就快d食la~~新鮮丫ma!!!
我最中意係個曲奇皮..好鬆脆..一d都唔濟..或者我唔中意酥皮啦..^^
蛋就好似未熟得晒咁..浪下浪下咁..好滑...但係蛋味唔係好重..
總括哩講泰昌餅家ge蛋撻真係比較特別..鬆化可口..
我都好中意食...但未止於上隱...
唔會好似肥彭咁日日訂最少一打蛋撻哩食囉...=="
大家又覺得好味ma??定係舊鋪會更加好味呢??

今日ge小支出.....大收獲.....................=)

今日安坐係公司收到速遞扲返哩ge信件...
就係 Good Skin Labs SMOOTH-365™透澈柔滑精華~~
前日收到TheZtyle ge電話..好開心...
好想快d可以試..但我住香港個邊...過尖咀比較ma煩..又就唔到時間..><

所以就搵左公司用開ge速遞公司幫手...一個order只係$7喳...
之前有sis問我係邊間咁平..就係依間..亞洲聯合速遞服務有限公司..
大佬...我撘車來回都幾十蚊la..7蚊真係好抵...效率又高~
琴日上晝出的order..佢地下晝去做...今朝就返到哩la~~Good!!

放工去左飲茶..兩個人食左十碟野都係一舊水..又平又好味..難怪日日爆場..(唔記得影相)
之後去左Wastsons...琴日睇報紙見好多優惠..經格價後..今次屈腎抵過萬寧..
咁岩洗頭水用完...就入d貨la..
＊買ge.....total用左$162.3...
VS閃鑽滋潤洗髮露500ml  $42.5  (惠康好似$49.9)
PANTENE CLINICARE 護法神仙水150ml   $49.9 (平日$59.9ga)
PANTENE CLINICARE 時光損傷修護洗髮乳600ml  $69.9

＊送ge.....價值好似同買ge差唔多XD
威斯衣物消毒液1050ml (雖然我地d衫扲去洗衣鋪洗..但依個都可以用作家居清潔)
冬甩耳筒嬈線器(以後耳筒線唔駛再打蛇餅la^^)
UA戲飛2張 (佢係贈品中的重頭戲...平日兩張飛都要$120la...有效日期仲要至到2011年3月23日..一定有戲岩睇..如果係mannings買係送3張美心餅卡..太多了..無謂吧-0-'')

大家想知點樣先送上邊ge野...就睇下面張相就明白ga la...
我影左報紙ge優惠出哩..免得我愈講愈亂..
張$10護法神仙水現金劵係Wastsons有得扲架(依個優惠做到3月尾)~
一直用開CLINICARE急救修護精華..效果都幾好..見好多sis都大讚佢依條line好用..
今次仲撞正咁筍ge優惠..點可以唔買!!!!

再去惠康用180個印花換埋Thomas li個單柄鍋連蓋...~^^
食埋甜品就回家了~好滿足呢~

咁筍ge優惠大家唔好錯過呀~

係卓悅又執到平野!!!*V*

今日放工我等左一個鐘紅van...又大風..凍死人..><
幸好男友哩接我..如果唔係天光都返唔到家...
係等ge時候去左卓悅巡視業務...
今次又買到平野~

第一樣就係sandra介紹過ge COLLAGEN CRYSTAL EYE MASK~平日$19/6對~
仲有好多sis都讚唔錯..我見佢去乾紋好得..所以之前都唸住買哩試下...^^
點知...咁岩有優惠...$10/6對呀!!!即買啦!!!

之前用過依個質地ge 面膜...敷足30mins都唔會乾...好清爽...

第二樣就係Forget-me-not ge Mask..平日$10一片..依家$10三片...
之前用過佢ge沖涼液..平靚正..我唸佢d mask都ok掛..
所以就買左每樣一款哩試下...=)
去雀斑美白面膜*Q10保濕美白面膜*海洋骨膠原緊緻面膜

平到咁,,,唔知效果點呢~~好心急想試..>3<
不過最近生暗瘡唔可以比太多滋潤佢..所以要過一排先試到la!!-0-''
sis們經過卓悅記得去睇下啦~希望大家中意

又燒到我la!!!Cosmopolitan四月號~Tsumori Chisato Passport Holder & Luggage Tag~*

今期Cosmopolitan四月號送Tsumori Chisato 幸福彩鳥系列Passport Holder & Luggage Tag~*

$40 一共3本書~我平日唔會買依本雜誌..今次買係為左份贈品..十個九個都係ga la

唔知點解我見到靚靚依個封面..我唸起一個人...
大家估下係邊個...??
.
.
.
就係我地ge sis Heidi..亦即係今期Magazine ge Cover girl...
有人覺得似ma???

好..睇下兩位主角先~^^
Luggage Tag~~

雖然平..但車工一d都唔馬虎..唔會飛晒線...好公整=)

Passport Holder~個pattern好靚..勁中意..質地係膠膠地..仲防水tim..

即刻同佢著返件新衫先~內龍係粉紅色..望落好舒服呀~!!

原來仲有一張 Poster..

後面係介紹Tsumori Chisato ge新品~睇相都覺得幾吸引..

憑張Poster仲有優惠tim

依件好靚喔..穿起上哩好似會輕飄飄咁

你地又有冇比佢燒到呀??